Judith Wambura ‘Lady Jaydee’ au Jide
MKONGWE wa Bongo Fleva, Judith Wambura
‘Lady Jaydee’ au Jide, amefunguka kuwa katika wimbo wake mpya wa
Ndindindi, hajampiga kijembe aliyekuwa mumewe, Mtangazaji Gardner G.
Habash kama wengi wanavyodhani.
Jide na aliyekuwa mumewe, Gardner
Akizungumza na mwanahabari wetu, Jide
alisema wimbo huo ulitungwa na watu wake tofauti na yeye kuukamilisha
hivyo kwa kuwa umebeba ujumbe mzito ni rahisi mtu kuhisi amemuimba mtu
fulani kumbe yeye aliimba kwa ajili ya mashabiki wake wote.
“Sijampiga kijembe huyo wanayemsema
(Gardner). Mimi nimetumia utunzi wangu kuwakilisha yale yanayotokea
katika jamii mbalimbali sasa kama mtu anaona umemgusa fulani atakuwa
amejiongeza tu lakini mimi sikumaanisha mtu mmoja bali ujumbe kwa
mashabiki wangu wote,” alisema Jide.
Kwenye wimbo huo kuna sehemu Jide
kaimba; “Niliwezaje kutoa vyote ili hali wewe ulininyima vyote” ambapo
iliaminika amemzungumzia Gardner.
Tupe Maoni Yako( Matusi Hapana )
