Klabu ya Galatasaray Yamuonea Huruma Eboue na Kumpa Dili Hili

Baada ya nyota wa zamani wa Ivory Coast Emmanuel Eboue kupoteza fedha zake kwa mke wake wa zamani hatimaye klabu ya Galatasaray ya Uturuki imempa nafasi ya kuwa kocha.

Eboue ambaye amewahi kutamba na klabu mbalimbali barani Ulaya ikiwemo Arsenal amepewa nafasi ya kuwa kocha msaidizi wa timu ya vijana chini ya umri wa miaka 14 (U-14) ya klabu ya Galatasaray.

Galatasaray imemtaka Eboue kushughulikia leseni yake ya kufundisha soka ili aweze kuanza kibarua rasmi ndani ya timu hiyo ili kuokoa hali yake ya kimaisha.

Klabu hiyo inayoshika nafasi ya pili katika msimamo wa ligi kuu soka ya Uturuki, imemwahidi mshahara mnono ili kusaidia kurejesha hali yake nzuri ya kimaisha.

Eboue amejikuta kwenye wakati mgumu wa maisha baada ya mahakama kuamuru mali zote kukabidhi kwa mke wake. Eboue na mke wake waliachana huku akiwa ameandika jina la mkewe katika sehemu kubwa ya mali zake ikiwemo nyumba za kifahari alizokuwa amezinunua kutokana na malipo yake kama mchezaji.

Filed Under: MICHEZO

Nyota wa Mpira, Emmanuel Eboue Atamani Kujiua Baada ya Kufilisika

Staa wa soka wa kimataifa wa Ivory Coast aliyewahi kuvichezea vilabu mbalimbali Ulaya kama Arsenal na Galatasaray ya Uturuki Emmanuel Eboue amedai  kufilisika  baada ya talaka, iliyompa mali zote mkewe Auerilie Bertrand

Eboue kwa sasa ana umri wa miaka 34 na anaitumikia adhabu ya kufungiwa mwaka mmoja na FIFA kwa kushindwa kumlipa wakala wake.

Eboue licha ya kutokea katika maisha magumu Ivory Coast alifanikiwa kutengeneza pesa nyingi akiwa katika Ligi Kuu England akiitumikia Arsenal kwa miaka saba.

Beki huyo wa zamani wa Arsenal kwa sasa yupo katika maisha magumu na analala chini kwa rafiki yake huku akishindwa kulipia pesa nguo zake ziende dry cleaner, hivyo analazimika kufua kwa mikono. Eboue anatajwa kuelekea kufilisika kutokana na kutalakiana na mkewe.

Hali hiyo imemfanya Eboue kuwa masikini  kutokana na utajiri wake wote kumuandikisha mkewe. 

Kisheria wakiachana mali zote zitakuwa za mwanamke ambaye amezaa nae watoto watatu, jambo ambalo Eboue linamfanya aumie kichwa na kuweka wazi kuwa mara kadhaa linamjia wazo la kujiua kichwani kwake na anaomba Mungu aliepuke.

 Eboue ameichezea Arsenal kwa miaka saba kabla ya mwaka 2011 kuamua kujiunga na Galatasaray ya Uturuki.

“Pesa zote ambazo nilikuwa naingiza nilikuwa natuma kwa mke wangu kwa ajili ya watoto wetu, nikiwa Galatasaray Uturuki nilikuwa naingiza euro milioni nane na nilikuwa namtumia euro milioni 7, chochote alichokuwa anataka nisaini nilikuwa nasaini”-Eboue

Filed Under: MICHEZO

HAJI MANARA AWAPA BABU SEYA NA MWANAYE ZAWADI YA KIPEKEE,AGUSIA KOCHA WENGER

Jumamosi ya December 9 2017 ni siku ya furaha kwa watanzania na wapenzi wa muziki wa dansi kwa ujumla, hiyo inatokana na Rais wa awamu ya tano wa Jamhuri ya Muungano wa Tanzania Dr John Pombe Magufuli kutangaza msamaha kwa wafungwa wakiwemo msanii Nguza Viking maarufu kama Babu Seya na Mwanae Papii Kocha.

Papii Kocha na baba yake Babu Seya

Rais Magufuli ametangaza msamaha kwa Babu Seya na mwanae Papii Kocha akiwa mjini Dodoma katika maadhimisho ya miaka 56 ya Uhuru wa Tanzania na muda mchache baada ya taarifa hizo kutoka watu mbalimbali tumeona wakioneshwa kufurahishwa na uamuzi huo wa Rais Maguli.

Mkuu wa idara ya habari na mawasiliano wa club ya Simba Haji Manara ni moja kati ya watu waliooneshwa kufurahishwa na maamuzi hayo na kaamua kuandika hivi kupitia ukurasa wake wa instagram katika picha ya Papii Kocha akiwa kavaa jezi ya Simba.

“Nchi imezizima sababu yenu . Mungu ametenda miujiza kupitia kwa Rais wetu..uliitangaza Simba hadi gerezani..ntakuvalisha jezi mpya iliosainiwa na wachezaji wote…ila Wenger bado hajatwaa taji…. kama ulivyomuacha”>>> Haji Manara

Huo ni ujumbe wa Haji manara kupitia ukurasa wake wa instagram, kama utakuwa unakumbuka vizuri Babu Seya na watoto wake watatu akiwemo Papii Kocha walihukumiwa kifungo cha maisha jela mwaka 2004 baada ya kukutwa na hatia ya kesi ya kubaka na kunajisi watoto 10.

Filed Under: MICHEZO

AJIBU AZUA HOFU YANGA, LWANDAMINA APAGAWA

WAKATI uongozi wa Yanga hivi sasa ukiwa katika harakati zake za kuhakikisha unakiimarisha kikosi chake ili kiweze kufanya vizuri katika mechi zake za Ligi Kuu Bara msimu huu zilizobakia, mshambuliaji wa timu hiyo, Ibrahim Ajibu amezua hofu kubwa klabuni hapo.

Uongozi wa timu hiyo umeingiwa na hofu kubwa baada ya kupokea taarifa kutoka kwa meneja wa timu hiyo, Hafidhi Saleh kuwa Ajibu hatakuwepo katika kikosi cha timu hiyo kitakachocheza dhidi ya Mbao FC.

Ajibu ataukosa mchezo huo kwenye Uwanja wa CCM Kirumba jijini Mwanza kutokana na kuwa na kadi tatu za njano.

Ajibu ambaye pia mpaka sasa ameshazifumania nyavu mara tano, kadi yake ya kwanza aliipata katika mechi dhidi ya Kagera Sugar kwenye Uwanja wa Kaitaba mjini Bukoba, kadi ya pili ni katika mchezo dhidi ya Simba na ya tatu ni dhidi ya Prisons.

Akizungumza na Championi Jumatatu, Meneja wa Yanga, Hafidhi Saleh, alisema: “Benchi letu la ufundi linaangalia ni mchezaji gani atakayeziba nafasi yake katika mechi hiyo ambayo tutacheza mara tu baada ya kumalizika kwa michuano ya Chalenji.”

Sweetbert Lukonge, Dar es Salaam

Filed Under: MICHEZO

STRAIKA SIMBA AOMBA BARUA ASEPE

MSHAMBULIAJI wa Simba, Jamal Mnyate, ameomba barua kwa uongozi wa timu hiyo itakayomruhusu kuondoka na kwenda kwenye klabu nyingine kucheza soka.

Awali, kulikuwepo na taarifa za mshambuliaji huyo kuwepo kwenye orodha ya wachezaji watakaoachwa kwenye usajili huu wa dirisha dogo lililofunguliwa Novemba 15, mwaka huu.

Mchezaji mwingine anayetajwa kuachwa ni mshambuliaji Juma Liuzio ambaye yeye uongozi wa Simba umepanga kumtoa kwa mkopo.

Kwa mujibu wa taarifa ambazo Championi Jumatatu limezipata, mshambuliaji huyo anaomba barua hiyo ya kuachwa ili aende zake akaichezee Lipuli FC inayonolewa na Selemani Matola.

Aliongeza kuwa, mshambuliaji huyo tayari amekutana na mabosi wake huku akiahidiwa kupatiwa barua hiyo ya kuondoka Simba baada ya kukosa nafasi ya kucheza.

“Mnyate hatutakuwa naye katika mzunguko wa pili wa ligi kuu, kwani yeye mwenyewe ameomba barua ya kuachwa baada ya kuwepo taarifa za kutolewa kwa mkopo.

“Hivyo, yeye mwenyewe ameomba aachwe moja kwa moja na siyo kwa mkopo kama wanavyotaka wenyewe Simba na maamuzi hayo ameyatoa baada ya kuona anakosa nafasi ya kucheza,” alisema mtoa taarifa huyo.

Alipotafutwa Kocha Mkuu wa Lipuli FC, Selemani Matola kuzungumzia hilo juu ya mshambuliaji huyo kuomba aende huko, alisema: “Ni kweli kabisa hizo taarifa, kama mambo yakienda vizuri basi Mnyate tutakuwa naye katika mzunguko wa pili wa ligi kuu.

“Kwani yeye mwenyewe ameonyesha nia ya kuja kuichezea Lipuli, hivyo ninamkaribisha na kama unavyojua timu yangu ina tatizo katika safu ya ushambuliaji, ninaamini kama akija yeye basi timu itaimarika zaidi.”

Wilbert Molandi| Dar es Salaam

Filed Under: MICHEZO

Simba Kicheko Tu....Haya Ndo Mambo 10 Bilionea Mohammed Dewji Atakayoanza Nayo Baada ya Kukabidhiwea Timu Hiyo

Bilionea Mohammed Dewji ameipokea kwa mikono miwili ishu yake ya ushindi kuwa mwekezaji mpya Simba na ametoa ahadi zake 10 kuhakikisha zinafanyika kuleta mabadiliko makubwa.

Mo Dewji ameshinda zabuni ya kuwa mwekezaji wa Simba kwa dau la Sh bilioni 20 alizoweka ‘mezani’ na hakukuwa na mtu yoyote aliyejitokeza kushindana naye kama ilivyokuwa ikielezwa awali.

MOJA:

Kambi ya Simba itajengwa upya kabisa na itakuwa ni hosteli ya kisasa yenye vyumba hadi 35. 30 vitakuwa kwa ajili ya wachezaji na vitano kwa ajili ya benchi la ufundi.

 

MBILI:

Simba sasa itafaidika kwa kuwa na gym yake ya kisasa, bwawa kubwa la kuogelea kwa ajili ya mazoezi na sehemu ya kupumzika kwa wachezaji.

 

TATU:

Wachezaji, makocha na viongozi watakuwa na mgahawa wao wa kisasa kabisa.

 

NNE:

Mo Dewji anaamini timu lazima iwe na viwanja vya mazoezi. Hivyo ataanza na viwanja viwili, kimoja nyasi asilia na kingine nyasi bandia.

 

TANO:

Mo Dewji ameahidi kuwekeza katika soka la vijana akianza na wale wenye umri wa chini ya miaka 14, 16 na 18 na lengo ni kuwakuza.

 

SITA:

Mo Dewji amesema atasimamia wachezaji kuitambua thamani ya Simba kwa kujituma hasa.

SABA:

Simba itaanza kufanya mambo kimataifa kwa kuitangaza na kuikuza brand ikiwa ni pamoja na kutengeneza vifaa mbalimbali kama fulana, kofia, vishika ufunguo na kadhalika.

NANE:

Ameahidi kutenga kitita cha  Sh milioni 500 ambazo zitatumiwa na benchi la ufundi katika mipango yao kama kambi na kadhalika pia Sh bilioni moja kwa ajili ya usajili.

TISA:

Kushindana na timu kubwa Afrika na sio Tanzania pekee.

KUMI:

Kurejesha Simba katika historia ya kimataifa

Filed Under: MICHEZO

Mwanariadha Pistorius aongezewa kifungo hadi miaka 13 kwa kumuua mpenzi wake

Mahakama ya rufaa nchini Afrika Kusini imemuongezea adhabu ya kifungo mwanariadha mwenye ulemavu Oscar Pistorius kutoka miaka 6 hadi miaka 13 na miezi mitano kwa kosa la kumuua mpenzi wake Reeva Steenkamp.

Hatua hii inafuatia madai kutoka upande wa serikali kwamba adhabu aliyopewa awali ya miaka sita ilikuwa ndogo. 

 

Pistorius alishtakiwa kumuua mpenzi wake kwa kumpiga risasi 4, katika siku ya wapendanao mwaka 2013, na baadaye Pistorious alisema alifyatua risasi hizo kwa kujua ni mwizi.

Familia ya Reeva Steenkamp imeeleza kuwa wamefurahishwa na uamuzi wa mahakama na inaonesha kuwa haki inaweza kuendelea kutendeka nchini humo Afrika Kusini.

Filed Under: MICHEZO

PATRICE EVRA AKUMBANA NA RUNGU LA FIFA NI BAADA YA KUMPIGA SHABIKI

Shirikisho la mpira wa miguu barani Ulaya UEFA jana Ijumaa ya November 10 2017 limetangaza kumuadhibu beki wa kimataifa wa Ufaransa aliyekuwa anayeichezea Olympique Marseille ya Ufaransa kabla ya mkataba wake kuvunjwa, Patrice Evra kwa kosa la kumpiga shabiki wao wakiwa Ureno katika mchezo wa Europa League.

UEFA wamefikia maamuzi hayo kutokana na kitendo cha Patrice  Evra kumpiga teke shabiki wa Marseille ambaye walipishana maneno wakati wachezaji wa Marseille akiwemo Evra wakifanya warm up kuelekea kuanza kwa mchezo wao dhidi Vitoria.

Kufuatia kosa hilo UEFA sasa limemfungia Patrice Evra kutocheza mashindano yoyote ya UEFA hadi mwezi June 2018, taarifa hizo zinakuja siku chache baada ya Marseillekuvunja mkataba na Evra kutokana na kufanya kosa hilo la kumpiga shabiki.

Filed Under: MICHEZO

Steven Gerrard Aula Livepool..!!!

Nahodha wa zamani wa Liverpool na England Steven Gerrard atarejea katika klabu hiyo ya Ligi ya Premia kama kocha wa kikosi cha wachezaji chipukizi.

Gerrard, 36, ambaye alichezea Liverpool mara ya kwanza 1998, ataanza kazi Februari.

Kiungo huyo wa kati aliondoka Anfield mwishoni mwa msimu wa 2014-15 na kujiunga na klabu ya LA Galaxy inayocheza ligi kuu ya soka ya Marekani na Canada (MLS).

Alistaafu uchezaji soka Novemba baada ya kucheza kwa miaka 19.

“Ni kama kukamilisha mduara, kurejea pahala ambapo yote yalianzia,” Gerrard amesema.

“Nilipojua kwamba ningerejea, nilitaka kurejea katika nafasi muhimu. Hii inanipa fursa ya kujifunza na kujiboresha kama mkufunzi, na vile vile kutoa ujuzi wangu, mawazo na tajriba kwa wachezaji hawa chipukizi katika kipindi muhimu sana katika ukuaji wao,” amesema.

Gerrard alihusishwa na kazi ya meneja klabu ya MK Dons baada yake kuondoka LA Galaxy.

Amekuwa akisomea leseni yake ya ukufunzi ya Uefa, ambayo anahitajika kuwa nayo ndipo awe mkufunzi Ligi ya Premia.

Gerrard alichezea Liverpool mechi 710, na kushinda vikombe tisa.

Ndiye mchezaji wa nne kwa kuchezea England mechi nyingi zaidi za kimataifa, mechi 114.

Filed Under: MICHEZO

Baada ya Okwi Kuvunja Mkataba Denmark,Simba Wamfanyia Mapango Aje Kucheza Mechi ya Yanga..!!

 

UONGOZI wa Simba umesema unafanya mpango wa kumrejesha kikosini mshambuliaji wake wa zamani Emmanuel Okwi aliyevunja mkataba na klabu ya Sonderjyske ya Denmark.

Taarifa za kwenye mtandao wa klabu hiyo juzi ziliandika kwamba Okwi amefikia makubaliano ya kuvunja mkataba baada ya kukosa nafasi ya kucheza kwenye kikosi hicho.

Jana jioni Ofisa habari wa Simba, Haji Manara aliandika kwenye kurasa zake za mitandao ya kijamii: “Kocha Omog (Joseph- kocha mkuu wa Simba) ikimpendeza, Emmanuel Okwinho (Okwi) dimbani Feb 18, hiyo ndio habari mpasuko, ukinuna ongeza limao,”.

Simba inatarajia kucheza na Yanga katika mechi ya raundi ya pili ya Ligi Kuu baada ya kutoka sare ya bao 1-1 katika mechi ya kwanza.

Alipoulizwa  kuhusu taarifa hizo, Manara alikiri kuwa uongozi wake uko kwenye mchakato wa kumnasa mchezaji huyo na ikiwezekana atumike kwenye mechi zilizosalia za Ligi Kuu.

“Ni kweli tutamsajili kama mchezaji huru,” alisema.

Hata hivyo, tayari dirisha dogo la usajili kwa klabu za ligi limeshafungwa mpaka msimu ujao. Akilizungumzia hilo, ofisa habari wa Shirikisho la soka Tanzania (TFF), Alfred Lucas alisema Simba haiwezi kumtumia Okwi kwa sababu dirisha la usajili limeshafungwa.

“Ingewezekana kama usajili wa dirisha dogo ungekuwa haujafungwa, lakini dirisha limeshafungwa hivyo kama wanataka kumtumia, wasubiri mpaka usajili mwingine,” alisema.

Wakati wa usajili wa dirisha dogo Desemba mwaka jana Simba ilitaka kumsajili mshambuliaji huyo Mganda lakini ilishindwa baada ya klabu ya Sonderjyske kutaka ilipwe karibu sh milioni 240.

Hasimu wa Simba, Yanga pia ilijaribu kutaka kusajili mshambuliaji mwingine ili ashindane na Donald Ngoma baada ya kudaiwa kugoma kucheza kwenye mechi za kombe la Mapinduzi lakini ilishindikana kwa vile dirisha la usajili lilishafungwa.

Sonderjyske ilimsajili Okwi Julai 2015 kutoka Simba kwa mkataba wa miaka mitano uliotakiwa kumalizika mwaka 2020 ambapo tangu amesajiliwa Okwi alicheza mechi nne tu za Ligi Kuu ya Denmark na mbili za kombe la DBU ambapo alifunga mabao mawili.

Simba pia iliwahi kumuuza Okwi Etoile du Sahel ya Tunisia mwaka 2013 kwa dola za Marekani 300,000 kabla ya kusajiliwa na Yanga alipocheza kwa muda mfupi na kurejea Simba.

Okwi ni mshambuliaji kipenzi cha wanasimba kutokana na mafanikio aliyoipatia timu hiyo ambapo jana baada ya Manara kuweka suala lake kwenye mitandao ya kijamii, karibu mashabiki wengi wa soka walikuwa wakimzungumzia.

Filed Under: MICHEZO

Breaking News: Bondia Thomas Mashali Auwawa, Mwili Wake Waokotwa Vichakani Dar

Bondia maarufu wa ngumi za kulipwa nchini, Thomas Mashali amefariki dunia usiku wa kuamkia leo October 31 2016 maeneo ya Kimara DSM, Taarifa zinadai kuwa alishambuliwa na wananchi baada ya madai ya kuitiwa mwizi kwa kushambuliwa na wananchi kwa madai ya kuitiwa mwizi.
Promota Siraji Kaike amesema watu aliokuwa anagombana nao walimwitia mwizi na wakapiga mapanga akawa ametupwa na bodaboda waliokuwa wanamjua Thoams Mashali walimuokota na kumpeleka hospitali ambapo baadaye zilitolewa taarifa kuwa amefariki.


Yassin Abdallah maarufu kama Ustaadhi, mmoja wa viongozi wakongwe wa mchezo wa ngumi amethibitisha na kusema mwili wa Mashali upo kwenye chumba cha kuhifadhia maiti katika Hospitali ya Rufaa ya Muhimbili jijini Dar es Salaam.

"Tumethibitishiwa hizo taarifa za majonzi kabisa, mwili upo Muhimbili na msiba upo kwao Tandale," alisema Ustaadhi.

Filed Under: MICHEZO

Samatta Atokea Benchi Genk Ikiua 2-1 Ubelgiji

MSHAMBULIAJI wa kimataifa wa Tanzania, Mbwana Ally Samatta amecheza benchi timu yake, KRC Genk ikishinda 2-1 dhidi ya Westerlo katika mchezo wa Ligi Daraja la Kwanza A Ubelgiji, Uwanja wa Laminus Arena.

Kiungo Mspaniola, Alejandro Pozuelo aliifungia bao la kwanza Genk dakika ya 54 kabla ya mshambuliaji Mgiriki, Nikolaos Karelis kufunga la pili dakika ya 66, wote wakimalizia pasi za mshambuliaji Mjamaica, Leon Bailey.

Na ni Nikolaos Karelis aliyempisha Samatta, Nahodha wa timu ya taifa ya Tanzania 'Taifa Stars' dakika ya 66 mara tu baada ya kufunga bao la pili. Bao pekee la wageni lilifungwa na kiungo Mbelgiji, Jamo Molenberghs dakika ya 82.

Huo unakuwa mchezo wa 31 kwa Samatta tangu amejiunga na Genk Januari mwaka huu kutoka TP Mazembe ya DRC, 18 msimu uliopita na 12 msimu huu, akifunga mabao nane, matatu msimu huu na matano msimu uliopita.

Katika mechi hizo, ni 16 tu ndiyo alianza, 10 msimu uliopita na tano msimu huu, wakati 14 alitokea benchi nane msimu uliopita na 11 msimu huu – na mechi tisa hakumaliza akitolewa, sita msimu uliopita na tatu msimu huu.

Filed Under: MICHEZO

Matumaini Mapya Kwa Mchezaji Kutoka Tanzania Hasheem Thabit Kurudi Kucheza NBA Baada ya Kutemwa

Miaka kadhaa iliyopita, kwa mara ya kwanza Tanzania ilipata mwakilishi kwenye ligi bora ya kikapu duniani; NBA kupitia Hasheem Thabeet. Wapenda michezo na maendeleo kwa ujumla walifurahia uwakilishi huo kwa kile kilichoonekana kutafungua milango kwa wengine. Na kweli, kuingia kwa Hasheem NBA kuliongeza hamasa ya Watanzania kutaka ku-break to NBA Gates.

Ni bahati mbaya Hasheem hakufanya vizuri sana NBA na baada ya miaka michache akajikuta anapelekwa D-League!

Kwa sasa Hasheem ni kama amesahaulika lakini ifahamike tu hajalala! Kwa miaka takribani miwili sasa amekuwa aki-fight kurudi NBA. Rekodi zake za D-League msimu uliopita zilikuwa mzuri na zilitia matumaini kwamba huenda angerudi NBA. Hata hivyo bahati haikuwa upande wake.

Wakati namfuatilia mwaka jana nilipata hofu kwamba kukosa kwake kurudi NBA (mwenyewe alitarajia angerudi) kungemfanya awe disappointed kama ilivyo kwa Watanzania wengi. Hata hivyo, Hasheem ni kama aliongeza struggle za kutaka kurejea NBA ingawaje alikuwa na fursa ya kwenda kucheza ligi zingine nje ya US! Hakutaka… bila shaka anachotaka yeye ni kurudi NBA; period!

Katika kuhakikisha anafanikiwa katika hilo, Hasheem akajiunga na coaching ya Frank Matrisciano na Milt Newton. Hawa jamaa wawili si watu wa mchezo mchezo linapokuja suala la individual training. Lakini kubwa zaidi Hasheem anaonekana kujitambua zaidi na kuonesha ni nini hasa anataka.

Rumors zinazoendelea ni kwamba, timu kubwa tatu za NBA zilituma watu wake kumwangalia for workout kwenye training camp ya Hasheem. Haya yametokea miezi sita tu tangu Hasheem aanze kujifua kwa dozi za kila siku za Matrisciano’s program.

Mtu wa mwanzo kutoa taarifa hizo ni Alex Kennedy kupitia mtandao wa Twitter. Alex ni Managing Editor wa Basketball Insiders.

Kwa mujibu wa rumors hizo, timu ambazo zilijitokeza mwezi uliopita ni LA Leakers, Washington Wizards na New York Knicks.

Waswahili wanasema Kufa Kufaana! Wakati Hasheem alifanyiwa workout na Wizards katika mazingira ya kawaida tu (labda ya kutaka kuimarisha safu yao ya ulinzi) lakini hivi sasa beki tegemeo wa Wizards, Ian Mahinmi atakuwa nje ya uwanja kwa takribani wiki 4 hadi 6 kutokana na kuwa majeruhi!!!

Kwa upande mwingine, wakati Knicks na Wizards walipeleka watu wao kwenye kambi ya mazoezi ya Hasheem, LA Leakers walienda mbali zaidi kwa kumpeleka Hasheem kwenye facility yao (ya Lakers) kwa siku mbili for free agent workout.

Trainers wa Hasheem, Frank Matrisciano na Milt Newton wanaamini Hasheem anaweza kurudi NBA! Tatizo ambalo analiona Frank ni NBA Community kuwa na perception ya Old Hasheem wakati Frank, kwa kuangalia improvement ya Hasheem; yeye kama Trainer anamuona Hasheem wa sasa ni tofauti sana na Old Hasheem inayesemekana ni mvivu na mtu asiyependa kujituma.

Ni matumani yangu kadri atakavyoendelea kupata workout ndipo chance ya kurudi NBA inaongezeka. Na bila shaka wapenda michezo na burudani watamuombea our only boy ili aweze kurudi NBA. Nothing impossible under the sun. Hata hivyo, Waswahili husema, Kisicho Riziki Hakiliki... NBA ikigoma si vibaya kuangalia ligi zingine duniani kama vile Euroleague. Umri unaenda, na in fact, muda si mrefu atakuwa beyond the expiry date. Katika hali kama hiyo mtu anatakiwa kuangalia zaidi maisha kuliko career. Hata ligi ya Uchina nayo si haba!

Filed Under: MICHEZO

Samatta alitokea benchi na kuisaidia timu yake kupata ushindi wa 2-0

MSHAMBULIAJI wa kimataifa wa Tanzania, Mbwana Ally Samatta katika mchezo wake wa jana alitokea benchi na kuisaidia timu yake, KRC Genk kupata ushindi wa 2-0 dhidi ya Athletic Bilbao ya Hispania katika mchezo wa Kundi F Europa League Uwanja wa Laminus Arena, Genk.


Katika mchezo huo anbao Samatta aliingia dakika ya 56 kumbadili kiungo Mbelgiji Thomas Buffel, mabao yote ya Genk yalifungwa na mabeki, Jakub Brabec kutoka Jamhuri ya Czech la kwanza dakika ya 40 na Mnigeria Onyinye Wilfred Ndidi la pili dakika ya 83.


Kwa matokeo hayo, Genk ambayo ililazimishwa sare ya
2-2 katika mchezo wake uliopita na Royal Excel Mouscron Ligi Daraja la Kwanza A Ubelgiji Uwanja Stade Le Canonnier mjini Mouscron sasa inagongoza Kundi F kwa kjufikisha pointi sita baada ya mechi tatu, ikishinda mbili na kufungwa moja.

Huo unakuwa mchezo wa 28 kwa Samatta tangu amejiunga na Genk Januari mwaka huu kutoka TP Mazembe ya DRC, 18 msimu uliopita na 10 msimu huu, akifunga mabao nane, matatu msimu huu na matano msimu uliopita.

Katika mechi hizo, ni 14 tu ndiyo alianza, 10 msimu uliopita na tatu msimu huu, wakati 13 alitokea benchi nane msimu uliopita na 10 msimu huu – na mechi tisa hakumaliza akitolewa, sita msimu uliopita na tatu msimu huu

Filed Under: MICHEZO

Man U yang'ara ligi ya Europa..Paul Pogba Afuta Nuksi

Paul Pogba alifunga mara mbili wakati Manchester United walipoibuka na ushindi mnono wa 4-1 dhidi ya klabu ya Fenerbahce katika kundi A.

Pogba mchezaji ghali zaidi duniani alifunga goli la kwanza kwa penalti baada ya Juan Mata kuangushwa ndani ya eneo la hatari, kisha baadaye kuandika bao la pili baada ya kupokea pande safi kutoka kwa Jesse Lingard.

Bao la Robin Van Persie lilishangiliwa na mashabiki wa pande zote mbili

Goli la Pili kwa United liliwekwa kimiani na Anton Martial kwa njia ya penalti baada ya kuangushwa ndani ya eneo la hatari huku la mwisho likipachikwa na Jesse Lingard kwa shuti kali la chinichini.

Robin Van Persie aliiandikia timu yake ya Fenerbahce goli la kufutia machozi lililoshangiliwa na mashabiki wa pande zote akiwemo kocha wake wa zamani Sir Alex Ferguson.

Matokeo mengine katika michezo ya ligi ya Europa

THURSDAY 20TH OCTOBER 2016
FC Steaua București 1-1 FC Zürich
FK Krasnodar 0- 1 Schalke
FC Slovan Liberec 1-3 Fiorentina
Hapoel Be'er Sheva 0-1 Sparta Prague
Inter Milan 1-0Southampton
Osmanlispor 2-2 Villarreal
FK Qarabag 2-0 PAOK Salonika
Celta Vigo 2-2 Ajax
Standard Liege 2-2 Panathinaikos
Konyaspor 1-1 Sporting Braga
Shakhtar Donetsk 5-0 KAA Gent
FC RB Salzb 0-1 Nice

Filed Under: MICHEZO

Mwana Samatta Atajwa Tuzo ya Mchezaji Bora ya Shirikisho la Soka la Afrika (CAF).

Mshambuliaji wa kimataifa wa Tanzania anayecheza soka la kulipwa katika klabu ya GENK ya nchini Ubelgiji ametajwa miongoni mwa wachezaji 30 wanaowani Tuzo ya Mchezaji Bora ya Shirikisho la Soka la Afrika (CAF).

Wachezaji wengine ni pamoja na Mkenya Victor Wanyama anayecheza ligi kuu ya Uingereza katika klabu ya Tottenham Hotspur, Denis Onyango kutoka Uganda anayekipiga katika klabu ya Mamelodi Sundowns.

Hapa chini ni orodha kamili.

1. Riyad Mahrez (Algeria & Leicester City)

2. El Arabi Hillel Soudani (Algeria & Dinamo Zagreb)

3. Islam Slimani (Algeria & Leicester City)

4. Samuel Eto’o (Cameroon & Antalyaspor)

5. Benjamin Mounkandjo (Cameroon & Lorient)

6. Serge Aurier (Cote d’Ivoire & PSG)

7. Eric Bailly (Cote d’Ivoire & Manchester City)

8. Yao Kouasi Gervais ‘Gervinho’ (Cote d’Ivoire & Hebei Fortune)

9. Mohamed Salah (Egypt & Roma)

10. Mohamed El Neny (Egypt & Arsenal)

11. Pierre-Emerick Aubameyang (Gabon & Dortmund)

12. Andre Ayew (Ghana & West Ham)

13. Victor Wanyama (Kenya & Tottenham)

14. William Jebor (Liberia & Wydad Athletic Club)

15. Mehdi Benatia (Morocco & Juventus)

16. Hakim Ziyech (Morocco & Ajax)

17. John Mikel Obi (Nigeria & Chelsea)

18. Kelechi Iheanacho (Nigeria & Manchester City)

19. Ahmed Musa (Nigeria & Leicester City)

20. Cedric Bakambu (DR Congo & Villareal)

21. Yannick Bolasie (DR Congo & Everton)

22. Sadio Mane (Senegal & Liverpool)

23. Kalidou Koulibaly (Senegal & Napoli)

24. Keegan Dolly (South Africa & Mamelodi Sundowns)

25. Itumeleng Khune (South Africa & Kaizer Chiefs)

26. Mbwana Samatta (Tanzania & Genk)

27. Aymen Abdennour Tunisia & Valencia)

28. Wahbi Khazri (Tunisia & Sunderland)

29. Dennis Onyango (Uganda & Mamelodi Sundowns)

30. Khama Billiat (Zimbabwe & Mamelodi Sundowns)

Filed Under: MICHEZO

Majibu ya Chris Brown Kuhusu Kumvunjia Simu Shabiki Airport Mombasa

Mwimbaji staa kutoka Marekani Chris Brown October 8 2016 aliungana na wasanii wengine akiwemo Wizkid wa Nigeria, Vanessa Mdee, Alikiba na wengineo kutumbuiza kwenye tamasha la Mombasa Rocks Music Festival lililofanyika  Golf Club Mombasa.

Iliripotiwa kuwa staa huyo kuwa na tuhuma za kumvunjia shabiki Brenda Chepkoech simu alipowasili Airport Mombasa ambae alikuwa katika harakati za kutaka kupiga nae selfie, leo Oct 14 2016 kituo kikubwa cha habari cha Kenya, eDaily kimeripoti majibu aliyatoa Chris brown kuhusu tuhuma hizo na hiki ndicho alichokiongea staa huyo…

”Brenda Chepkoech aliyenipa tuhuma za kumvunjia simu yake oct 8 2016 alikuwa anataka free tickets ili aweze kufika kwenye show hiyo’ – Chris Brown

Imeripotiwa kuwa dada huyo alikua anawafata Chris Brown na kundi zima kuomba ticket na kutaka kupiga selfie na staa huyo lakini ombi lake halikusikilizwa, chris aliwambia marafiki zake…

’ Hata picha inaonyesha sikumsogelea dada huyo wala simu yake, Hapana sio uongo mwingine kuhusu mimi tafadhali’– Chris Brown

Mmoja waandaji wa show hiyo Thandie Ojeer alihojiwa na edaily na haya ndio aliyoyazungumza…

’ Chris hakuwa na hasira kabisa, ilikuwa mara yake ya kwanza kufika Kenya na ame enjoy kuwepo Kenya, pia ameahidi kurudi siku moja na kukaa zaidi na kufanya tour next time– Thandie Ojeer

Filed Under: MICHEZO

Lionel Messi Anatuhumiwa Kuzuia Mchezaji Mwenzake Asiitwe Timu ya Taifa

Timu ya taifa ya Argentina inatajwa kuwa katika nafasi mbaya ya kuwania kufuzu kucheza Kombe la Dunia 2018 Urusi, hiyo inatokana na Argentina kuwa nafasi ya tano katika msimamo wenye timu 10 huku timu nne za juu ndio zitafuzu.

Kufuatia Argentina kuvuna point mbili katika mechi zao tatu zilizopita, mjadala kutoka katika moja ya vituo vya TV Argentina umetoa madai tofauti kutokana na urafiki wa Lionel Messi na kocha wa timu yao ya taifa ambao umetajwa kuwa Messi amemshawishi kocha asimuite Mauro Icardi kikosini licha ya kuonesha uwezo mkubwa akiwa na Inter Milan.

Urafiki wa karibu wa Messi na mchezaji mwenzake wa zamani wa FC Barcelona  Maxi Lopez ambaye ana ugomvi na Mauro Icardi kutokana na kuwa alimpokonywa mke, hivyo Messi anatajwa kutovutiwa na kitendo hicho na kumshawishi kocha asimuite Icardi, Mauro Icardi ameichezea Argentina kwa dakika 8 tu, hivyo wengi walitamani kumuona akiongeza nguvu.

Filed Under: MICHEZO

Mwamuzi Aliyechezesha Mpira wa Yanga na Simba Afungiwa Miaka Miwili..Kadi Nyekundu ya Mkude Yafutwa

Habari zilizoifikia ambazo hazijathibishwa na TFF, Bodo ya ligi wala chama cha waamuzi ni kwamba, mwamuzi wa kati Martin Saanya na msaidizi wake namba moja (line one) Samwel Mpenzu, wamefungiwa miaka miwili kuchezesha soka.

Chanzo chetu kimeitutonya kuwa, uamuzi huo umefikiwa na kamati ya saa 72 iliyokutana kuwajadili wawili hao baada ya kuwepo kwa malalamiko kwenye mechi ya Yanga vs Simba waliyoichezesha Jumamosi October 1.

“Martin Saanya na Samwel Mpenzu wamefungiwa miaka miwili lakini line two Ferdinand Chacha yeye amesalimika,” kilisema chanzo hicho kwa sharti la kutoandikwa jina.

“Kadi nyekundu aliyooneshwa Jonas Mkude imefutwa baada ya kamai hiyo kujiridhisha kuwa kadi hiyo ilitolewa kimakosa.”

Baada ya mchezo wa Yanga vs Simba, kuliibuka mijadala mingi na mikubwa juu ya mwamuzi Martin Saanya kulikubali goli la Tambwe ambaye aliushika mpira kabla hajafunga huku Samwel Mpenzu akilaumiwa kwa kulikataa goli la Simba lililofungwa na Ibrahim Ajibu kwa madai alikuwa ameotea kabla ya kufunga.

Filed Under: MICHEZO

Jicho la 3: Maajabu ya goli la Tambwe, na jinsi waamuzi walivyoibeba Simba muda mwafaka katika goli la Kichuya

Na Baraka Mbolembole

‘NI Ujinga’ kufikiria unaweza kupata matokeo mazuri wakati unachofanya ni kile kile kila msimu na kinakuletea matokeo mabaya.

Timu gani ilibebwa katika Yanga 1-1 Simba? Ni Yanga? Kwa vile labda walifunga goli uliloliona ni ‘tata’? Ama ni Simba ambao walisawazisha dakika 3 kabla ya kumalizika kwa mchezo kwa mpira wa kona ya moja kwa moja? Ama, labda ni uwezo mdogo wa mwamuzi Martin Saanya na wasaidizi wake?

‘MPE SIFA MBAYA TAMBWE, NAYE ATAKUNG’ATA SEHEMU INAYOUMIZA’

Mshambulizi huyu wa timu ya Taifa ya Burundi anahitaji kufunga walau goli moja tu katika ‘Dar es Salaam-Pacha’ ili kusimama pekee kama mfungaji wa muda wote wa game za Yanga vs Simba.

Aliifunga Yanga mara mbili wakati alipokuwa mchezaji wa Simba katika game ya Nani Mtani Jembe, Desemba, 2013 katika ushindi wa Simba 3-1 Yanga.

Mtaalam huyo wa magoli ya kichwa akaifunga Simba mara mbili katika game mbili za VPL akiwa na kikosi cha Yanga msimu uliopita (Yanga 2-0 Simba, Oktoba, 2015, Simba 0-2 Yanga, Februari, 2016) na goli lake la Tatu vs Simba alifunga katika game ya Jumamosi iliyopita.

Kiujumla, Tambwe ameshafunga magoli matano katika mipambano 7 ya mahasimu hao wa kandanda la Tanzania.

Ni rekodi ya aina yake ambayo sasa imemfanya kusimama na Watanzania, Emmanuel Gabriel na Jerson Tegete ambao pia wamefunga mara tano katika ‘PACHA’ hiyo yenye kuvutia wapenzi wengi wa kandanda Tanzania na Afrika Mashariki.

Wakati, Gabriel alifunga magoli yote vs Yanga na Tegege akifanya hivyo akiwa mchezaji wa Yanga vs Simba, Tambwe amefunga kila upande na kuna washambuliaji wengi waliopita katika timu zote hizo lakini tangu mwaka 1935 ilipozaliwa rasmi Yanga kisha, 1936 ilipozaliwa Simba hakuna aliyeweza kufanya kama alichofanya Tambwe katika pambano hilo.

Tambwe ni kiboko na goli lake la tano amefunga na kupelekea matukio mengi yatakayobaki. Kwa furaha na majonzi.

Huyu ndiye ‘Mr.Hat-trick’ ambaye amejiwekea rekodi ya peke yake ya kufunga katika michezo mitatu mfululizo ya Yanga vs Simba. Goli lake lilikuwa ‘bab-kubwa’ na hata wakufunzi wa Simba watakuwa wamejua uwezo alisi wa beki wao kijana, Novatus Lufunga.

Beki gani makini anaweza kujipanga katika mtindo ule wa Lufunga? Yaani, anamuwekaje mshambuliaji ndani ya eneo la hatari na wewe beki unakaa nje? Nilisema kabla ya mechi kwamba mipira ya juu ni tatizo kubwa katika safu ya ulinzi wa kati upande wa Simba na Mbuyu Twite akathibitisha hilo kwa pasi moja tu timilifu.

Tambwe utamchukia wewe, lakini sifa yake itapendwa na wapenzi wengi wa kandanda nchini. Halafu, hivi ‘mkuki kwa nguruwe, Eeh?’ Tambwe si wa kwanza, Mzee wa Kiminyio, 2001 Fainali Tusker Cup, Simba 4-1.

Pasi ile ndefu ya juu ilipigwa kwa malengo ya kufika kwa Tambwe na Mrundi huyo akamuweka nje ya eneo la hatari, Lufunga na kuuthibiti mpira wa juu mbele ya mtu mrefu zaidi yake. Bonge moja la mbinu, dakika ya 24 akaleta tofauti ya timu bora kimbinu na timu isiyo na uzoefu.

Ni goli safi kabisa, kwani mfungaji alipogeukia ndani ya box huku Lufunga akifuata nyuma yake akaongeza utulivu tu huku akifahamu jaribio lolote la kuzuiliwa na mlinzi huyo wa Simba lingezaa mkwaju wa penalti na red card juu.

Akamchambua tu golikipa, Vicent Anghban. Hakuna goli la mkono katika soka. Maajabu yakaanza, mashabiki wa Simba wakaanza kung’oa viti majukwaani. Wakaanza kuimba, ‘refa, refa, refaaaa’ wakaimba weee.

Walikuwa wanashangaza sana. Goli safi, kadi nyekundu ni halali. Sikuona tatizo la mwamuzi wa kati, Martin Saanya hadi kufikia dakika ya 27 alipomuondoa uwanjani kwa kadi nyekundu nahodha wa Simba, Jonas Mkude.

JUUKO NDIYE CAPTEIN SI MKUDE

Ukweli ni kwamba nimeona jinsi mechi ilivyochezwa. Simba licha ya kuwa pungufu kwa zaidi ya dakika 65 walicheza kwa pamoja na kasi, mpira wa kufurahisha wakati fulani kiu ya kusaka magoli uwanjani. Hali hiyo ilionekana zaidi mara baada ya wachezaji mlinzi wa kati, Juuko Murishid na kiungo wa kati, Mohamed Ibrahim walipoingia uwanjani.

Moja ya mbinu iliyowasaidia sana ni kumtumia Shiza Kichuya ambaye alihakikisha kila anapokuwa na mpira anafuatwa na wachezaji wawili hadi watatu. Juuko aliwahamasisha wachezaji wenzake na kuipeleka timu kwa kasi katika upande wa Yanga.

Simba haikuwa na kiongozi yeyote uwanjani hadi alipoingia Juuko. Mkude anapaswa kulaumiwa kwa kukubali kadi isiyo na faida kwani tayari mwamuzi alishanyoosha mkono wake kuelekea kati mwa uwanja akimaanisha ni goli. Simlaumu sana Mkude ila akiwa na kitambaa cha unahodha ameonesha yeye si kiongozi mzuri.

MARTIN SAANYA

Septemba 28, 2013 mwamuzi huyu wa kati alichezesha game ya ligi kuu Tanzania Bara kati ya Yanga na Coastal Union ya Tanga katika uwanja wa Taifa. Na kitendo cha kuipata kiki ya pemati timu ya Coastal kilimfanya akafungiwa mwaka mmoja na aliyekuwa msaidizi wake Jesse Onesmo.

Mwamuzi huyo mwenyeji wa mkoani Morogoro amekumbwa na lawama nyingi mara baada ya kumalizika kwa game ya Yanga v Simba siku ya Jumamosi. Analaumiwa kwa kukataa mpira ambao ulipigwa na Ibrahim Ajib na kuingia golini kwa Yanga, na akakubali goli la Tambwe ambalo wengi wanasema aliushika mpira ule kabla ya kufunga.

Ajib hakufunga kwa kuwa mshika kibendera alikuwa ‘shabiki wa Yanga’. Mwamuzi wa pembeni ndiye wa kulaumiwa pale na si Saanya. Mwamuzi huyo alijitahidi sana kuchezesha mechi ile lakini waamuzi wa pembeni wakaharibu mechi.

Walikuwa na mapenzi binafsi-yule aliyekataa mpira ulioenda nyavu na huyu ambaye alikubali Kichuya apige kona wakati mpira ulipaswa kuwa wa kurushwa.

MPIRA WA KONA YA KICHUYA ULIKUWA NI WAKURUSHWA

Ally Mustapha ‘Barthez’ anafungwa magoli ya kizembe katika game nyingi vs Simba na mara nyingi katika michezo ya karibuni ya mahasimu hao, Yanga huangushwa na magolikipa. Goli gani lile la kufungwa kwa kipa mzoefu kama Mustapha?

Alifungwa magoli marahisi na Gilbert Kaze na Joseph Owino katika sare ya 3-3 Oktoba, 2013 na akafungwa goli lingine la kuudhi na Emmanuel Okwi katika kichapo cha 1-0 ambacho Yanga walikipata, Machi, 2015 sasa amefungwa goli la kona ya moja kwa moja.

Hakuwapanga walinzi wake ambao wangeweza kumsaidia kuzuia mpira kuingia golini. Ndiyo, mpira ule hakupaswa kupigwa kona lakini mshika kibendera na pengine Saanya mwenyewe walikubali mpira wa kurushwa kuwa kona.

Rejea kuitazama vizuri video kabla ya Kichuya kuupiga ule mpira. Mwamuzi wa pembeni mara baada ya mpira kutoka uwanjani anaonekana akiashiria ni mpira wa kurushwa lakini Ball boy aliuweka mpira katika eneo la kupigia kona na kumwacha Kichuya aupige mpira ambao sekunde chache nyuma anaonekana akionyesha ni mpira uliopaswa kurushwa.

Kama ni upendeleo, Yanga walipendelewa kwa goli halali lililokataliwa na Simba nao walibebwa na kusaidiwa na waamuzi hao kupata goli la kusawazisha dakika 3 kabla ya kumalizika kwa mchezo.

Shafii Dauda

Filed Under: MICHEZO