PICHA 17: Tazama Mabasi ya Brazil, vituo vyao na usafirishaji wa abiria wa ‘mikoani’

Brazil ni moja ya nchi maarufu duniani na ni taifa lililotajwa kushika nafasi ya tano kwa wingi wa watu duniani ambapo mpaka mwaka 2015, idadi ya watu ilikua ni zaidi ya milioni mia mbili huku rekodi za mwaka 2010 zikionyesha kwamba taifa hili lilikua na asilimia 7 ya raia Weusi.
Moja ya vitu nilivyovipenda Brazil ni walivyojipanga kwenye usafirishaji…. wingi wa watu haujafanya vituo vyao vya Mabasi viwe vichafu au visivutie, sheria za Mabasi yanayotumika ndio kama yanayoonekana kwenye picha na barabara zao za umbali mrefu zimetenganishwa kwa umbali kiasi kwamba hakuna uwezekano wa magari kugongana uso kwa uso.
Kwenye haya mabasi mfano ukisafiri kutoka mji mmoja kwenda mwingine hakuna kondakta ndani, Dereva ndio anafanya kazi ya kuhakiki majina ya kila anaeingia kwenye basi baada ya kununua Ticket baada ya hapo ni safari tena Mabasi mengi yakiwa na huduma ya WiFi ndani, yani Internet unaipata bure safarini na mabasi yote ni sharti yawe na choo ndani.

Vituo vya Mabasi vimezibwa kwa juu hivyo hata mvua ikinyesha sio tatizo Abiria kushuka au kupanda kwenye basi.

Mabasi haya ni ya gorofa, ukiwa na uwezo zaidi unalipia kukaa kwenye sehemu yenye hadhi zaidi ndani ya basi ambako mnakaa wachache na unanafasi ya kulala na kujisevia vinywaji.